Aguest dimenge è estat ena corsa que seguraments barrarà era mia tempsada de BTT. Era "hinvernal Guissona 2010". Auem auut un dia lèg, tot e que non tant heired com es passadi.
Tàs 9 prenem era gessuda, es dus primers km son neutralitzadi, enquià gésser deth pòble e passar era carretera de Póns, a compdar d'aguest punt ja sò totauments desorientat enquià que torni a vèir Guissona quan sò a punt d'arribar.
Es prumers km, 8 ó 10, coma en totes es "corses populars", semble que s'acabe eth mon, eth ritme ei unfernau, non dongui un duro peth mèn futur. Sòrt que despús era causa se calme.
Boni camins e ritme sostengut enquià eth km 17, punt deth prumer avitalhament, a on comence a plòir. A compdar d'aguest moment, comenci a pensar en her era cuerta de 30 km.
Ath sèr à gelat, e en delísse eth géu eth terren ei moth, esguitle e ei perillos. Es prumeri encara ac trapen ben pr'amor qu'eth terra ei dur (açò m'ac an compdat). En gésser d'un des polidi senders me trapi de front a un tipe que me ditz, "la llarga cap baix", e aquieu me traís eth subconscient e tiri tara longa.... M'ac auien avissat, "a la llarga s'han passat, hi ha un fotimer de trialeres", e tad aquieu vam. Eth circoit se è molt difícil, i à diuersi punts que s'àn de pujar a pè, pr'amor que son massa ribenti, e ath delà mògi. Tot e açò, m'ac passi ben, assomisqui qu'era causa serà dura, e pendent us 10 km non veigui ad arrés, ei reauments intens. A moments torne a plòir. Senti parlar des languisses, de que no se sent flaira a brasa, e en km 37, me trapi eth "cambalache" dera langüissa, era "arengada" e era heda. Entot minjar, comence a plòir de valent, un "lugarenho" me compde que çò de més complicat ja à passat, que manquen 10 km, mes qu'es camins ja son boni, e més lèu ei baisada.
Donques acrò hèm, tirar tà Guissona, çò de més complicat ara ei era ploja, qu'ei fòrta a estones, e despús de tanta estona embrasse fòrça.
Ara fin arribi, era arribada ei un shinhau heireda, entre peth darrer deth poliesportiu e aquieu non i à "caliu". À estat ben, mes me semble qu'era longa no l'à eth massa gent. Sò content de com a anat tot.
Tant lèu hi hage fotos e classificacions les metaré acieu.
